DoNER Ministry-in guideline thar a duang dawn : DoNER Minister

Union Minister of State for Development of North Eastern Region (DoNER), Dr Jitendra Singh chuan, hmarchhak huam chhunga hma-sawnna hna thawh hrang hrangte mumal leh felfai zawka kalpui a nih theih nan, Ministry of DoNER chuan guideline thar a duang dawn tih Thawhṭanni khan Guwahati-ah a sawi.

DoNER ministry leh Assam sorkar-te chuan Thawhṭanni khan Joint meeting neiin, hemi chungchang hi Dr Jitendra Singh chuan a sawi chhuak a ni. Dr. Singh chuan, hmasawnna hnathawh hrang hrangte ruahman leh vil nan - space technology, satellite imaging, portal leh application ṭhenkhat hman a ni dawn a ni, a ti. Hei hian hna thawh hun rei tak tihkhawtlai
ṭhin chu a veng thei tawh dawn tih sawiin, engkim langtlang zawka kalpui tum a ni, a ti. Dr Singh chuan hemi atan hian sum ruahman belh a ni dawn lo tih sawiin, state sorkar-te chuan Department Project Reports (DPRs) an duan an ngai tawh dawn a ni, a ti bawk.

Ministry of DoNER chuan kum 2015-16 chhungin Non lapsa-ble central pool of re-sources (NLCPR)-in Assam sorkar tan cheng vaibelchhe 60.46 a pechhuak tih sawiin, tuna sorkar kum kal mek thla ruk chhungin cheng vaibelchhe 92.67 pek chhuah tawh a nih thu Dr Jitendra Singh chuan a sawi.