Assam Chief Minister Gogoi-a'n PM Modi lehkha a thawn

Assam Chief Minister hlui Tarun Gogoi-a chuan China-in Brahmapura lui fintu Xiabuqu lui a dan chah chungchangah Prime Minister Narendra Modi chu lehkha a thawn.

Gogoi chuan, Xiabuqu lui dan chah chu Assam tan mai bakah, ṭhenawm ram Bhutan leh Bangladesh tan pawh a pawi thei hle dawn niin a ziak. An state economy chu Agriculture-ah nasa takin a innghat tih sawiin, Xiabuqu lui dan chah chuan an economy thlenga ngawng theih thu a tarlang. Harsatna thleng thei hrang hrangte ngaihtuah a, hma la thui turin Modi chu a ngen a ni. Prime Minister Manmohan Singh leh Union Water Resources Minister chu China dawr tura che chhuak thuai tura ngenin, kum 2004-a China-in dam a siam a vanga harsatna an tawh ang kha a thlen tawh loh a duh thu a tarlang a ni.

Gogoi chuan, “China chet dan hi Assam mipuite dikna rahbehna a ni a, ngawihbopui mai chi a ni lo. Ṭhenawm ramte nen hian inkungkaihna ṭha tak neih kan duh a ni" tiin, India chu China nena inlaichinna ṭha zawk siam tura hma la tura a duh thu a tarlang. Brahmaputra lui hi Tibet ram chhungah chuan Yarlung Tsangpo tih a ni a, a fintu lui Xiabuqu chu China-in Tibetah hian a khuap a ni.

Assam Chief Minister Sarbananda Sonowal pawhin China-in Brahmaputra lui fintu Xiabuqu lui a dan chah chungchangah hma la thuai turin sorkar laipuiah ngenna a lo thlen tawh bawk.