Manipur University bei

Manipur University (MU) chu Thawhṭanni zan khan beih a ni a, recreation hall, restaurant leh DTP centre pathum tihchhiat a ni.

He thil hi zan dar 10 vela thleng a ni a, University-a department zawng zawng chu khar nghal vek a ni. He thil thlengah hian Manipur University Tribal Students’ Union (MUTSU) te chu mawhphurtuah ngaih an ni. MUTSU-te hian MU-ah hian tribal tana seat hausak an phut a ni. Hetih lai hian Manipur University Entrance Examination Demand Committee (MU-EEDC) te chuan campus chhungah lungawilohna an lantir ve bawk. MUTSU leh Manipur University Academic Council-te chuan seat hausak chungchangah hian meeting an nei tawh a, MUTSU lam hian Scheduled Tribes (ST) tan seat 31% hauhsak an phut nia tarlan a ni.

He thil thleng hi chhui chian mek a ni a, pawi-khawihtu man an la awm lo.