Smriti Irani-i'n Textile park din tiam

Union Textile Minister Smriti Irani chuan Arunachal Pradesh-ah Composite Textile Park din a nih tur thu a sawi.

Union minister leh AP Chief Minister Pema Khandu-te hian Thawhlehni khan New Delhi-an meeting an nei a, Irani chuan Composite Textile Park din nana sum mamawhte pek a tiam. Irani chuan state sorkar pui turin mithiam tirh an nih tur thu sawiin, anni hian DPR an siam anga, sorkar laipuiah an thlen dawn a ni, a ti. Textile park hi skill development, designing leh product lama hmasawn na tura tih a ni. Arunachal Pradesh-ah hian Textile Garment Centre hawn a lo ni tawh bawk.

Khandu hi Deputy Chief Minister Chowna Mein, Chief Secretary, Principal Secretary leh Finance Commissioner-te'n an ṭawiawm a ni.