Manipur : Union Minister-in Manipur ramri district tlawh

Union minister of state for defence Sanjay Seth chuan Myanmar ramri bula Manipur Kamjong district chu ni hnih chhung cham turin a tlawh a, prime minister Narendra Modi kaihhruai sorkar chuan India ram hmun tlawhpawh loh leh ramri-ah zirna lama hmasawnna kalpui a ngaihpawimawh thu a sawi.

Seth hi Union Minister zinga kum 10 chhunga ramri district, hmun ralṭi leh derthawng zual lai tlawhtu hmasa ber a ni. Ramri district hi kum 2016 khan Ukhrul district aṭanga ṭhen hran a ni.

Kum 2016-a district-a puanah hian infrastructure hmasawnna hna hrang hrang enfiahin, Seth hian kum 1970 a din state chhunga school hlui ber zinga mi, Kamjong Higher Secondary School a tlawh bawk. School zirlai leh zirtirtute a kawm a, naupangte chu zirna lama hlawhtling turin a fuih.

Seth chuan Kamjong-a district hospital enfiahin, doctor leh staff-ten nitin damlo enkawl leh service atana mamawh te tihziaawmna tura ṭanpuina an mamawh dante a ngaihthlak sak a, district hospital-a health service leh thil dang chungchang pawh official ten an hrilh bawk.

Seth hian district magistrate leh SP Kamjong te nen mini secretariat building sak thar, security barrack leh residential complex te pawh an enfiah bawk. District chhunga hmasawnna hna kal mekte ti chak tura officer-te inpekna chu fakawm a tih thu a sawi. Ningani khan New Delhi lamah a kir leh a ni.