Sorkar laipuiin sorkar thar din thuai dawn : Manipur BJP MLA

Manipur-a Bharatiya Janata Party (BJP) MLA, T Robindro chuan April 12 khan Manipur-ah dan leh thupek lamah hmasawnna nasa tak a awm nia sawiin, sorkar thar siam thuai a beisei thu a sawi bawk. T Robindro chuan Meitei leh Kuki civil pawl inkara remna zawnga inbiakna pawh neih ṭan a ni tawh tih a sawi.

Meitei leh Kuki inkarah remna zawngin inbiakna an nei ṭan tawh a, Meitei leh Kuki legislator-te inbiakna hi nakin lawkah remna thlenna tura puitu a nih a beisei thu a sawi bawk. "Sorkar thar siam thuai a nih ngei rinna ka nei a ni," tiin Robindra chuan Kakching district-a programme neih zawh takah chanchinbumite a kawm.

BJP legislator-te zingah hruaitu thlan theih lohna emaw, inṭhen hranna a awm loh thu leh an inpumkhat thu sawiin, Manipur-ah inṭhen darhna thlen an phal dawn loh thu a sawi bakah, mi zawng zawng chu state tan inpumkhata an ding tur thu Thanga bial aṭanga legislator chuan a sawi bawk.