Arunachal : Minister-in Longding medical facility tihchangtlun a tiam

Arunachal Pradesh health and family welfare minister Biyuram Wahge chuan Longding district hospital a tlawh ṭumin medical infrastructure tih changtlunna tura puih a tiam.

Wahge hian TCL (Tirap-Changlang-Longding) district guardian minister hna a chelh bawk a, district medical officer Dr. Dilip Dutta-a’n resource management ṭha ber tura hma a lakna chu fakin, he hunah hian district drug warehouse a hawng bawk.

Minister hian Kanubari WRD EE office a tlawh bawk a, hemi hnu hian District Level Monitoring Committee (DLMC) meeting kaihruaiin, project kalpui mek hrang hrang dinhmun a zirchiang bawk. Hmasawnna ti khawtlai thei harsatna awmte hriatchhuah leh chinfel a ṭul thu sawiin, thuneitute hnena a thlen theih nan tualchhung official-te chu hriattir zel turin a ngen.

Meeting-a thu a sawinaah agriculture leh allied minister Gabriel D Wangsu chuan infrastructure tih changtlunna turin ram a pawimawh thu a sawi a, Longding-a ruahmanna fel lo taka sak a nih avanga harsatna awmte a sawi. Constituency dang aṭanga thil ṭha ber berte entîr turin official-te leh mipui thlan chhuahte inkara thawh hona ṭha tak neih a phut a ni.

MLA Thangwang Wangham chuan, Longding-Bonia highway siam chu in kalpawhna tih changtlun nan a hmasa ber atan a dil a, MLA Honchun Ngandam chuan Indo-Myanmar ramri hung siam tum chungchang an thil thleng theite a sawi. He thil hian hnam dan anga lo neihna hloh leh India ramri dikna chanvo a ti bahlah thei a ni tiin a sawi a, Union Home Ministry leh PMO te chu hma la vat turin a ngen bawk.

Meeting-ah hian thil pawimawh tak tak, tui tlakchhamna, mihring hnathawk tur indaih lohna, leh sorkar hnathawkte awmna tur mumal nei lo te sawi ho a ni bawk. Deputy Commissioner leh department hotute chuan heng harsatna awmte hi tarlangin presentation an nei a ni.