Tripura: CM-in a hun taka project thawk zo vek turin a ngen

Tripura chief minister Manik Saha chuan state department-te chu hnathawh chawlh lailawk awm te thawk zo vat turin a ngen a, mipuite laka nghawng a neih loh nan hma la turin a hriattir.

April 13-a Manu Government Dak Bungalow-a comprehensive review meeting kaihruaitu CM Saha chuan meeting neih chhung hian a hun taka tihhlawhtlin a pawimawh thu sawiin, quality standard sang ber vawng reng chungin hna la awmte ti chak turin a kaihhnawih department zawng zawngte hriattirin, hmasawnna chu a bulṭhut aṭangin ṭha taka thawh a ngaih thu leh, hun sawn hlat chu pawm theih a ni lo tih a sawi bawk.

He meeting-ah hian Dhalai district hmasawnna kawng hrang hrang kalpui mekte hmasawnna thlirho a ni. Sector pawimawh tak tak, public works department, tui in tur leh bawlhhlawh paihna, thingtlang hmasawnna, power, zirna, hriselna, leh ramngaw te ngaihtuah a ni. Department hotute chuan project kalpui mek chungchang report an pe a, hlawhtlinna leh harsatna awmte an tarlang.

Hetih mek lai hian CM Saha chuan Pathianni khan Dhalai district-a State-Level Biju Mela vawi 51-na a hawng a, Chakma khawtlangin kum thar an hman ṭhin, State-Level Biju Mela vawi 51-na chu April 13 aṭanga April 17 thleng neih a ni ang. Hawnna inkhawmah hian mi pawimawh eng emaw zat an tel a, Chakma leh tualchhung mite pawh an tel a ni.