Manipur: Ramri huamchhunga eizawnna tihchangtlunna tur sem

Manipur additional chief secretary leh principal chief conservator of forests, Anurag Bajpai chuan Chandel district-a Indo-Myanmar international ramria cheng thlan bik 72-te hnenah eizawnna tih changtlunna tur leh sum lakluhna tur a sem.

He hmalakna kal zelah hian Bajpai chuan khuai khawina bawm 51 leh puanṭhui khawl 21 a sem a, hamṭhatna dawngtute chu an eizawnna tih changtlunna kawngah a puih beisei a ni.

Official thuchhuah chuan heng thilte hi Green India Mission (GIM) hnuaia Joint Forest Management Committee (JFMC) hnuaia sem a ni tih a tarlang a, Chandel District Forest Office-in a kalpui mek a ni. Mission hmasawnna zirchian belh turin Bajpai chuan Chandel Mini Secretariat-ah review meeting a kaihruai.

Meeting-ah hian Bajpai chuan Green India Mission hlawhtling taka kalpui a nih theihna tura Joint Forest Management Committee-te chanvo pawimawh tak sawiin, khawtlang hruaitute chuan ramngaw siam thar tumna ruahmanna, kalpui leh enkawlna kawngah nasa taka an thawh dan a tarlang bawk. JFMC chuan sorkar nen thawh hona ṭha tak an nei a, ramngaw humhalh leh boruak venhim ṭhat a nih theih nan hma an la a ni.