Nagaland : CM-in Nagaland Solar Mission tlangzarh

Nagaland chief minister Dr. Neiphiu Rio chuan power tlakchhamna awm mek sutkian nan leh renewable energy hmasawnna tura hmalakna pawimawh tak atan Nagaland Civil Secretariat, Kohima-a Chief Minister Office (CMO)-ah Minister of Power and Parliamentary Affairs, K.G. Kenye hriatpuinain Nagaland Solar Mission a tlangzarh.

He hmalakna hi Prime Minister’s Surya Ghar: Muft Bijli Yojana (PMSG:MBY) hnuaiah niin, state pumah home solar energy tih danglam a tum a ni.

Nagaland Solar Mission tlangzarhnaah hian CM Rio chuan he hmalakna hi state-a power tlakchhamna awm rengte sutkian leh clean energy agenda tihhmasawnna lian tak a nih thu a puang.

Rio chuan renewable energy hmanga hmasawnna ngelnghet tak neih theihna tura sorkar inpekna sawiin, state subsisy mission effect tih pun nan Rooftop Solar Systems kilowatt 3 aia tam lo tan Rs. 50,000 pek a ni tih a tarlang. Sum lama ṭanpuina hi state budget aṭanga ruahman a ni. CM Rio chuan he dual-subsidy strategy hian in lama sum harsatna chu nasa takin a tiziaawm dawn tih a sawi a, ni zung chakna a hman theih dawn tih sawiin, in neitute tan sum leh pai lama hamṭhatna awm thei te a sawi lang a, solar power system hmang hian traditional electric-a innghahna a tlahniam dawn tih a tarlang a, mimal tinte chuan energy tam zawk thawhkhawmin an sum sen a titlem dawn a ni, a ti.