Manipur University beih vangin VC bang

Manipur University vice-chancellor in-charge, M. Dhaneshwar chu Thawhṭanni zana university beih a nih avangin, a hna aṭangin Thawhlehni khan a bang.

Manipur University hi Thawhṭanni zan dar sawm vel khan zirlai lungawiloten an bei chiam a, kangmei a chhuah bawk avangin buangrua eng emaw zat a chhia. Deparment zawng zawng khar nghal a ni a, thil theng hi chhui chian mek a ni. University-ah hian admision chungchangah buaina awmin, zirlai eng emaw zatin lungawi lohna an lantir a, Academic Council chu hma la turin an nawr reng bawk. Manipur University Tribal Students’ Union (MUTSU) chuan tribal zirlaite tan seat 31% hauhsak an phut. An thilphut chungchangah hian University Academic Council chuan MUTSU chu meeting neih puiin, an thutlukna siamah MUTSU-te an lungawi lo nia tarlan a ni. Zirlai lungawilote hian recreation hall an hal bakah, computer leh bungraw dang eng emaw zat an tichhia a ni.

Vice-chancellor in-charge M. Dha­neshwar a ban tak avang hian, a aiawh turin Jekendra chu vice-chanceloor in-charge chelh lai lawk tura ruat nghal a ni.