ASAK-te'n an mi hrente chhuah

Meghalaya-a hel pawl pakhat A’Chik Songna An’Pachakgipa Kotok (ASAK)-te'n South Garo Hills-a Assam sumdawng an man mi pariatte chu Nilaini khan an chhuah.

Police thuchhuah chuan, heng sumdawng te hi ASAK-te hian Gondanggre-ah an hnutchhiah niin an sawi a, tlanna sum pek an nih leh nih loh hriat a la ni lo, an ti. Rubo tute hian tlanna sum cheng nuai 20 pek an phut a, hei hi a hnuah an hniam leh nia sawi a ni. Sumdawn an man te hi Assam-a Mankachar khua amite vek an ni.September 29 khan Silkigre-a bungraw la tura an kal chu, helte hian an chuanna pickup chu lo tidingin an hreng zui a ni. Mante hi Akhirul Islam (21), Saiful Islam (30), Jiarul Islam (28), Monirul Islam (30), Mofidul Islam (25) leh Anowar Islam (35) te an ni a, midang pahnih erawh tute nge an nih hriat a ni lo.

South Garo Hills police-te chuan he lai bawrah hian hel dap chhuah beihpui an thlak nghal a, hel nena inzawmna neia rinhlelh mi paruk an man tawh a ni.