Manipur Congress Vice President a bang

Congress Manipur unit Vice President Nongthombam Biren chu MLA a nihna atangin a bang a, an party member a nihna
aṭangin a inhnukdawk zui bawk.

Biren chuan rorellai Cong-ress chu tlangram leh phaia chengte inkar harsatna chingfel thei loah a puh. Congresss MLA pahnihte chuan tun hnaiah an party an chhuahsan ta a ni. Congress-a an mihlun Yum-kham Erabot chuan tun hnai khan an party chhuahsanin BJP a lo zawm tawh a, Biren pawh hian BJP a zawm rin a ni. Hetih lai hian BJP lam chuan Congress MLA 14 vel zet chuan Congress chhuahsan an duh niin an sawi a, BJP zawm an tum niin a sawi.

MLA atanga bang ta Biren chuan, "Tribal matar mi pakua te ruang chu kum khat hnuah pawh phum a la ni lo a, hei hian state sorkar chak tawk loh zia leh, inrelbawlna fel loh zia a tilang a ni" tiin, tribalte ngaihthahah state sorkar a puh. Heng tribal martarte hi Manipur Assembly-in August 31 2015-a anti-migrant bills a pass duh lohna lantira nawrh huaihawt ṭuma nunna chante an ni. He bill hi tribal-te chuan an dodal nasa hle a, a bikin hill district-a Naga leh Kuki-te'n an duh lo hle. Biren chuan Chief Minister Okram Ibobi leh a kaihhruaite chu lar tawk loah puhin, an ban chhan pakhat pawh a nih thu a sawi bawk.