Arunachal Pradesh: Indian Army-te'n cutting-edge combat tech enchhin

Indian Army chuan Arunachal Pradesh-ah exercise neiin, indona atana hmanraw thar, robotics mule, drone chi hrang hrang leh small logistics vehicle te an enchhin. Ministry of Defence thupuangtu chuan inralring renga awm theihna tura hmalakna a nih thu a sawi.

Indian Army Corp pathumte chuan Arunachal Pradesh-a forward area-ah hlawhtling takin he enchhina hi an nei a, ‘Year of Technology Absorption and Year of Transformation’ banner hnuaiah enchhinna hi neih a ni.

Field exercise hi hmun khirh leh tlangram chhengchhe takah neih a ni a, boruak khirh tak takah pawh ṭha taka kalpui niin, enhanced mobility, real-time intelligence, surveillance and reconnaissance (ISR) leh advanced communication system te a ni. Heng hmanruate hi technology hmanga indona hmuna thutlukna siam thei tur tactical force chak siamna atan a pawimawh hle.

Exercise-ah hian thutlukna chak zawk a siam, thu hriat tur awlsam zawka insem leh indona hmuna inhriatthiamtawnna (synchronized battlefield awareness) te a pawimawh hle. Heng theihnate hian sipaite hnathawh a ti chaka, Indian Army-in technology lama hmasawnna leh indona hmuna ralthuam ṭha zawk hman a nih theihna tura a hmalakna ropui tak a ni.