Manipur: Scindia-a'n state hmasawnna atan puihbawmna pek tiam

Union minister for development of north eastern region (DoNER), Jyotiraditya Scindia chuan Ningani khan Manipur hmasawnna chak zawka kalpui kawngah proactive facilitator angin a thawk dawn tih a sawi. Scindia hian ni khat chhung Imphal a tlawhnaah, DoNER Ministry hnuaia scheme leh project kalpui mekte hmasawnna thlirletin, Manipur governor Ajay Kumar Bhalla leh senior official dangte nen state hmasawnna dinhmun ennawnna hun an nei bawk.

Scindia chuan a social media platform X-ah thuchhuah siamin, DoNER Ministry hnuaia hmasawnna scheme kalpui mekte zirchiangin; tourism, sports, handloom, leh infrastructure tih hmasawn kawngah Manipur chakna danglam bikte hman ṭangkai theih dan tur a dap bakah, state-a inelna lama hmasawnna awmte pawh a thlirlet a, Manipur-in thil thar siamchhuah hmanga hma a hruai theihna tur hmunte a hmuhchhuah thu a sawi.

Remna, hmasawnna leh ṭhalaite tih chakna kawngah sorkar laipui inpekna sawi nawn lehin, Union Minister hian High-Level Task Force Meeting on Sports a kaihruai bawk. State chhunga sector tih changtlunna tura hmalakna pawimawh hrang hrangte thlirletna a nei bawk a ni.