Sachin Tendulkar Foundation-in Meghalaya sorkar thawhpui dawn

Cricket legend Sachin Tendulkar chuan a foundation kaltlangin Meghalaya-a naupangte hriselna dinhmun chawi kanna turin Meghalaya sorkar an thawhpui dawn tih a sawi.

Sachin Tendulkar hian he thu hi a Instagram-ah a post a, "Naupangten hriselna ṭha zawk an neih theihna turin Sachin Tendulkar Foundation, Gates Foundation leh Meghalaya sorkar chu an thawk ho dawn a ni," a ti. A social media-ah hian living rootbridge a tlawh lai video te pawh a dah lang a bawk.

Tun hnaiah East Khasi Hills district-a Mawlynnong khua tlawhin, chief minister Conrad K Sangma nen pawh Umiam Lake bula resort-ah an inhmu a ni.

Meghalaya sorkar an thawhpui tur thu sawi mah se, foundation hian eng ang puihna nge a pek dawn erawh official lam chuan an la sawichiang lo.