NSCN-K in inkahhai puang

Naga helpawl, Niki Sumi kaihhruai National Socialist Council of Nagaland-Khaplang (NSCN-K) chuan Nilaini khan inkahhai an puang a, sorkar laipui chu inremna kawng zawnga inbe turin an sawm.

NSCN-K hian kum 2001 khan sorkar laipui nena inkahhai hi a lo puang tawh a, mahse an inremna hi kum 2015 khan an titawp a ni. 

Kum 2015-a Manipur-a Indian Army sipai 18 thah an nih khan Sumi hi a mawhphurtu berah puh a ni a, National Investigation agency chuan a lu manah cheng nuai 10 a phal a ni. Sumi chuan an pawl chuan hun rei tak chhung Naga buaina chinfel dan, Naga mipuiten an pawm tlan theih dan tur siam an duh tawh tih sawiin, sorkar laipuiin inremna kawng zawnga a hmalaknaah a ti takzet nia an ngaih avangin inremna tluantling a awm theihna tura hma lak an duh tih a sawi a ni. An pawl thutlukna siam leh inbiak a rawt chungchangah pawh sorkar laipui lam chuan ṭha taka a lo dawnsawn an beisei thu a sawi bawk.