Sikkim: Sorkarin Statewide Emergency Helpline tlangzarh

Sikkim sorkar chuan state puma medical emergency leh healthcare lam tih chakna atan Emergency Helpline System a kalpui a, damlote puihna tur patient support service tih changtlun tumin hma a la mek bawk.

Health & Family Welfare Department siam, Emergency Helpline System hi April 22 aṭang khan hman ṭan niin, he system hian ambulance awm theih dan tur te, healthcare facility hnai bera kal theihna tur te, damlote kalna tur damdawi-in te hnena hriattirna pek dan tur te, a hun taka inbuatsaihna leh emergency-a chhanchhuah hna thawh dan turte a tarlang a ni.

He helpline hi harsatna thlenna atan a ṭangkai dawn a, mipuite'n District Hospital, Community Health Centre, Primary Health Centre, leh Sub-Centre te pawh huamin, health centre hrang hranga staff indaih lohna, tui supply-a harsatna tawh te, leh facility nena inzawm hnathawhna lama harsatna awmte an report thei a ni.

Helpline bakah Sochakgang-a STNM Hospital-ah Help Desk leh ROGI Mitra (Patient Care Coordinator) service hman ṭan a ni bawk. Heng service-te hian damlo leh anmahni enkawltute chu department, ward, leh diagnostic unit-ah hruaiin, admission leh discharge kalphungte hrilhin, hospital staff-te nena inbiakpawhna siamsak a tum a ni. Hospital floor zawng zawngah ROGI Mitras dah a ni a, hei hi damlote'n a hun taka puihna an dawn theihna tura ruahman a ni.