Meghalaya : BSF te'n Bangladesh mi 78 man

Border Security Force (BSF), Meghalaya Frontier-te chuan Bangladesh mi 78 leh India mi 37 te chu bungraw tawlhruk leh dan loa India ramchhunga luh ruk tumnaa an inhnamhnawih avangin an man.

BSF chuan thuchhuah siamin, kumin chhungin dan phal loha ramri kaltlangnaa inhnamhnawih mi paruk an man tih an sawi.BSF Meghalaya chuan bungraw tawlhruk zawnchhuah kawngah hmalakna khauh zawk an kalpui a, hei vang hian thil ruk leh bawng 750, Rs vbc 11.70 man hu an man tawh a ni. An thil man zingah hian Yaba tablet, Ganja, zu, cosmetics, thawmhnaw, leh bungraw dang, dan loa Bangladesh-a phurh luh tumte a tel.

BSF-te hian thisen pek camp 13 leh civic action programme 22 buatsaihin, hmun kilkhawr takah a thlawna hriselna endikna an nei a, ramri hnai khaw hrang hranga mi harsa zawkte hnenah bungraw pawimawh an sem bawk.

Ramri venhim hna ṭha zawka kapui a nih theih nan BSF Meghalaya chuan Border Guards Bangladesh (BGB) nen thawhhona ṭha tak neiin, field Commander-level meeting hmangin ramri kaihhnawih thilte chinfel a, inrintawkna tih pun leh dan loa pemlut bakah, bungraw tawlhruk, leh pawikhawihna hrang hrang chungchangah hmalakna an neih chhunzawm zel a ni.