Tripura : CM in damdawiin leh Smart City Headquarters tlawh

Tripura chief minister Manik Saha chuan Ningani khan mipui hriselna leh infrastructure tih chak tumnaa hmalaknaah, Gandhigram Primary Health Centre chu puang lawk loin a tlawh.

Chief Minister hian facility-a harsatna an tawh eng emaw zat hmuchhuakin, Health Secretary hnenah a report nghal a ni. Hospital-a harsatna awmte chinfelna tur thupek a hmunah tih chhuah a ni.

Health centre a tlawh hnuah CM hian Agartala Smart City office a pan chhunzawm nghal a, Water Department leh TUDA te a tlawh. Agartala Smart City leh department kalphung tih hmasawn nana project kalpui mekte chipchiar taka thlirletna neih a ni a, hei aia ṭha zawk neih theihna tura hmalakna ṭul hrang hrangte sawi ho a ni bawk.

Official chuan Agartala tih hmasawn tumna project eng emaw zat a rawt bawk a, khawpui infrastructure hmasawnna nasa tak thlen theihna tur hmun pawimawh-a project thawh turte a rawt bawk. Hemi chungchang ngaihtuah ho tur hian hian high-level meeting neih a ni ang. Damdawi-in an tlawhna aṭanga an thil hmuhchhuahte ngaihtuah a nih dawn bawk a ni.