Nagaland: Wales leh Nagaland thawkdun dawn

Kumin thlasikah hian international arts hmalakna danglam tak, 'A Page of 2 Lands' chu Arthshila Shantiniketan-ah hawn a ni dawn a, Wales leh Nagaland artist-te chuan folklore, comic literature leh gender equity lawmna hlimawm takah an hmang dawn a ni.

He hun hi Meta Arts India leh Cardiff arts producer Kate Perridge-te ruahman niin Wales Arts International, British Council, Arthshila Shantiniketan, leh Task Force for Music & Arts (TAFMA), Nagaland-te chuan an thlawp a ni. Meta Arts hi India rama culture production company niin, rimawi leh literature lam pholanna a ni a, ram pawn lamte nena thawh ho theihna turin nasa takin hma a la a ni.

Kate Perridge hi Cardiff producer a ni a, interdisciplinary project hrang hranga thiamna nei a ni. Khawvel pum huap thawh hona hrang hrangah theatre, literature, leh visual arts lama tawnhriat ngah tak a ni bawk.

He thawh honaah hian hmeichhe thu phuahtu leh lemziak thiam pali an tel a, chungte chu Wales aṭangin Emily Jones leh Hannah McPake leh, Nagaland aṭangin Vishü Rita Krocha leh Thejavinuo Savi te an ni. An pali hian tunlai thawnthu sawina, hnam ziarang pholanna, khawsak dan kalphung, leh first-language expression te an nei dawn. He hun hi April 28 aṭanga May 1 thleng Arthshila Shantiniketan-ah neih a ni dawn a, May 2-ah mipui hmaa pholanna neih a ni ang a, he showcase-ah hian thawnthu sawina leh arts kaldan phung chungchangah vantlang inbiakna neih a ni ang.

He project hian international artistic co-creation atana kawng ngelnghet siam a tum a, Wales leh India hmarchhak inkara inzawmna ṭha zawk pholan tum a ni.