Manipur: Governor-in BRIC-IBSD Foundation Day hmanpui

Manipur governor Ajay Kumar Bhalla chuan April 26 khan BRIC - Institute of Bioresources and Sustainable Development (BRIC-IBSD) Foundation Day lawmna chu Takyelpat, Imphal-ah a hmanpui. Governor Bhalla chuan Manipur biala biodiversity hausaknate a sawi.

He biala biotechnology research institute lar ber pawl BRIC-IBSD hi hmarchhak bial socio-economy ṭhanlenna atana cutting-edge innovation hmanga bioresource hman ṭangkai dan tur ruahmanna siam a tum a ni.

Governor chuan ramhnuai aṭanga damdawi chi hrang hrang, thlai, mau, pa ei chi leh rannung te chu ṭangkai taka hman theihna tur kawng hrang hrang tarlangin, IBSD-in hmalam hun ṭha tak nei tura hmathlir an neih thu te a sawi. Prime minister Narendra Modi kaihhruaina hnuaia India sorkar hmalakna pawimawh tak tak, National Water Mission, National Mission for a Green India, leh National Mission for Sustaining the Himalayan Ecosystem te pawh a fak hle.

He lawmna pual hian Governor chuan Prime Minister Modi-a'n ‘Ek Ped Maa Ke Naam’ campaign a kalpui mek zinga mi Genome Sequencing Facility a tlawh a, campus-ah thing a phun bawk a ni.