Assam: Congress-in party hruaitute beihna ruahmanah CM puh

Assam Pradesh Congress Committee (APCC) president, Bhupen Borah chuan Congress MP Pradyut Bordoloi leh MLA Sibamoni Bora-te laka tharum thawhna thlengah chief minister Himanta Biswa Sarma chu mawhphurtuah a puh. Congress party chuan pawikhawihna thleng hi na takin an dem thu sawiin, duhsak bik nei loa chhui chian a phut bakah, state hruaitute chu thubuai siamsak turin a ngen.

Borah chuan BJP thlawp pawl chuan ruahmanna fel tak siama an party hruaitute beiah a puh. Congress hruaitu pahnihte hian hliam an tuar bakah party worker-te lirthei pali aṭanga panga vel tih chhiat a ni bawk. Kum 2026 inthlan lo awm turah Congress party chuan he thil thleng chungchangah hian chhanna na tak a pe dawn a ni, a ti.

He thil thleng hi pawi a tih thu sawiin, Pradyut Bordoloi chuan anmahni beitute hian an lirthei darthlalang chu rod hmangin an ti chhia a, a chhunga chuangte chu beih an tum tih a sawi. "Min tihhlum an tum a ni," tiin "Lirthei an rawn beih reng avangin leh, kan lu an target zel avangin seat inkarah kan biru a ni" tiin a sawi.

He pawikhawihna thlen laia awm ve, MLA Sibamoni Bora chuan hetianga inbeihna hi a vawi thumna a nih thu sawiin, Chief Minister Sarma chu mawhphurtuah a puh. Bora chuan, "Hei hi ruahmanna siam lawk a ni tih a chiang a ni," a ti.