Arunachal Pradesh: Minister-in 'clean model village' hawng

Arunachal Pradesh Rural Development and Transport minister, Ojing Tasing chuan Pangin-ah ‘Clean Model Village’ project a hawng. He hunah hian Mebo MLA Oken Tayeng leh Siang Deputy Commissioner P.N. Thungon, tualchhung hruaitute leh khawtlang mipuite an tel a ni.

Hawnna inkhawmah hian Minister Tasing chuan Clean Model Village concept leh Pangin culture heritage lawmna hla a tlangzarh bawk a ni. Circle officer Niyang Pertin leh a team-te chu project siamna kawnga an thawhhlawkna avanga fakin, Pangin inthlak danglamna hian state pumah hetiang hmalakna hi a chawikang dawn a, khawtlang thianghlim zawk a siam theih a beisei thu a sawi bawk.

Swachhatau Sewa 2024 campaign hnuaia hmalaknaah hian Pangin chu eco-friendly practice, bawlhhlawh sawngbawlna, leh boruak humhalhna atana model community-a siam a tum a ni.

"Khaw thianghlimna leh faina chu mipui mawhphurhna, chhuanawmna leh hmasawnna chhinchhiahna a ni," tiin Minister Tasing chuan a sawi. Clean Model Village project hian khawtlangin hmasawnna ngelnghet tak a kalpuinaah a bulṭhut aṭanga mipuite tel chu ngaih pawimawh a nih thu a sawi.