Meghalaya-in Vehicle Scrappage Policy 2025 a pawm

Meghalaya cabinet chuan an state-a pollution tih ziaawm a, fuel lak luh tih tlem leh raw material hman nawnna lam chawilarna tura hmalakna pakhat atan Ningani khan Vehicle Scrappage Policy (VSP) 2025 a pawm

Chief minister Conrad K Sangma chuan sorkar chuan he policy kalpuina tur thawh khatna atan state chhung hmun hrang hrangah motor 13,000 vel chu tlan chhunzawm phalsak an ni dawn lo tih a sawi. CM chuan sorkar hmalakna hmasa berah sorkar motor, kum 15 leh a aia upa tawhte chu tlan chhunzawm a phal tawh dawn lo a; hei bakah private motor kum 35 chin chu tlan tir an ni tawh dawn lo bawk niin a sawi. Motor hlui leh upa tawhte hian khu an tih chhuah nasat avangin pollution an siam nasa a, hei vang hian motor rei tawhte chu tlan tir tawh lo an tum a ni.

Shillong khawpui bikah hian motor register hi 2,76,262 a awm a ni.