Meghalaya: CM-in Tura girls school-ah solar digital classroom hawng

Meghalaya chief minister Conrad K. Sangma chuan Tura Government Girls Higher Secondary School-ah ni zung chakna hmanga buatsaih classroom a hawng. He hmalakna hmang hian zirlai ten digital hmanga lehkha an zir theihna siamsak a, a bik takin power tlakchhamna hmunah zirna lam tihhmasawn tum a ni.

Solar energy system hmanga thuam classroom-te hian power supply mumal loh avanga harsatna an tawh ṭhin a sukiang dawn a, bahlah loin zirna kalpui theih a ni dawn a ni. Zirlaite thiamna lama a puih dawn bakah zirtirtute chu an zirtirna kalphungah digital hmanrua dah tel tura fuihna a ni nghal bawk.

He project hi Global Himalayan Expedition (GHE), PA Sangma Foundation, leh Shree Cement te thawhhona hnuaia Corporate Social Responsibility (CSR) hmalaknaa kalpui mek a ni. Chief Minister chuan Meghalaya puma zirna tih chakna kawnga an thawhpuiten an thlawp chhunzawm zel avangin lawmthu a sawi.

"He hmalakna hian zirna inthlauhna tih ziahawm a, hmasawnna ngelnghet tak kan neih theihna tura kan inpekna a tilang a ni. Zirlai tinte, an dinhmun thliar loin, zirna ṭha tak an neih theihna tur leh hmalam hun ṭha zawk an neih theihna tura min puitu kan thawhpui te chungah lawmthu kan sawi a ni," tiin Sangma chuan hawnna inkhawmah a sawi.