Agartala-Kolkata Direct Train Service ṭan

Tripura state sorkarin a lo ngen tawh angin October 8 aṭang khan Agartala - Kolkata direct train service chu tlan ṭan tir a ni.

Northeast Frontier Railway (NRF) Chief Public Relation Officer Pranav Jyoti Sharma chuan, Durga Puja hma ngeia Railways Minister Suresh Prabhu-a'n direct train service tir a lo tiam tawh angin, chak taka hmalak a ni a, a hlawtlinna chu a lo lang ta a ni, a ti. State Transport Minister Manik Dey chuan hemi chungchangah hian Railways Minister hnenah Puja hma ngeia Agartala-Kolkata rel service tir tur hian ziakin ngenna a lo thlen tawh a ni.

Kanchenjunga Express chu Guwahati leh Sealdah inkarah tlan tir a lo ni tawh a, hei hian Agartala a thlunzawm a ni. Kanchanjunga express hi Agartala station aṭangin Sealdah (Kolkata) panin kar khatah vawihnih a tlan ṭhin ang.