Myanmar-in Namphalong gate hawng leh ta

India leh Myanmar inkal-pawhna leh insumdawn tawnna luhka pawimawh tak, Namphalong gate khar chu kar kalta Zirtawpni aṭang khan hawn a ni leh tawh.

Namphalong gate hi Manipur-a Moreh-a awm a ni a, kar kalta Thawhṭanni zing aṭang khan Myanmar chuan a khar a ni. October 2 khan mi pakhat chu Namphalong-ah kah a ni a, hliam na tak a tuar. Hemi zan vek hian Manipur-a Muslim Nagar-ah bomb a puak leh bawk. Myanmar chuan he thil thleng hi a dem thu sawiin, pawikhawihtute man chhuak tur leh boruak muanawm tak a awm leh hma loh chuan international border chu khar a nih tur thu a sawi. He thil thlengah hian Moreh police-te chuan thubuai an ziak lut a, man erawh an la nei lo nia tarlan a ni.

Namphalong gate hawn a nih leh tak avang hian truck, bus leh lirthei dang ṭhahnem tak chuan Moreh an pan leh tawh tih tarlan a ni.