Tribal martar-te kuang lem dahna tur kang

Manipur-a Churachandpur-ah kar kalta Inrinni khan tribal martar mi pakuate kuang lem dahna hmun an siam chu a kang a, he thil thleng duh lohna lantir hian chawhnu dar khat aṭanga tlai dar ruk thleng lungawi lohna lantirin kawngpui dan a ni.

Anti-Tribal Bills duh lohna lantirna-a nunna chan ta, tribal martar mi pakuate ruang hi hmunkhatah dah a ni a, kum khat chuang phum lohin dah a ni tawh. Joint Action Committee (JAC) against the Anti-Tribal Bills chuan mi pakuate kuang lem dahna hmun hi Hiangtam Lamka-ah an siam a, he hmun hi Inrinni khan a kang ta a ni. He thil thleng hi Joint Action Committee-te chuan an dem thu sawiin, lungawi lohna lantirin darkar nga awh nawrh an huaihawt zui nghal a ni. Lungawi lohna lantir a nih avang hian mipui nawlpui nunphung a khaihlak hman hle a, lirthei che vel a buai phah hle bawk.

He thil thleng hi JAC chuan chhui chian a, pawikhawihtute chu hrem ngei an phut thu an sawi.

Martar mi pakuate ruang hi kum 2015 aṭang khan Churachandpur Dis-trict Hospital-ah hian dah an la ni reng, a ni. Tun thlenga ruang phum a la nih loh chhan hi tribal-te'n “anti-tribal bills” duh lohna lantir nan leh bill sut leh tura an nawrna atan an ti a ni. He bill hi Manipur Legislative Assembly chuan August, 2015 khan a lo pass tawh a ni.