Meghalaya sorkar kutah GNLA Dy C-in-C inpe

Meghalaya sorkarin hel dapchhuah beihpui a thlak chuan nghawng nei zel a, Meghalaya-a hel pawl lian tak pakhat Garo National Liberation Army (GNLA) mi leh sa eng emaw zat chu Zirtawpni khan sorkar kutah an inpe.

Hel inpe zingah hian GNLA deputy commander-in-chief Zen Robert Ch. Marak, Rupanto Marak tia hriat pawh telin, Marak chuan an mi leh sa eng emaw zat chuan sorkar kar kuta inpek an duh niin a sawi. Hel te hian 9 mm pistol, silai mu ṭhahnem tak leh mobile phone te an thehlut nghal a ni.

Meghalaya police-te chuan hun eng emaw chen kalta aṭang khan Garo Hills leh a chheh velah beihpui an thlak a, hel ṭhahnem tak man leh kahlum an nih tawh bakah, sorkar kuta inpe pawh an awm nual tawh a ni. GNLA-te hian Meghalaya khawthlang lam bialah Garoland hran din phutin sorkar lakah an hel a ni. Police officer Champion R. Sangma chuan GNLA hi zawmin, kum 2012 khan India-Bangladesh border-ah man a ni a, Shillong jail-ah a tang mek. GNLA-te hi hmar-chhak hel pawl dang United Liberation Front of Asom-Independent nen inzawmna neia sawi a ni.