Meghalaya sorkarin 4-lane kawngpui thar siam rawt

Meghalaya sorkar chuan Guwahati Secretariat (GS) Road-a lirthei tlan tam leh tawh lutuk tih ziaawmna turin, Umiam aṭanga Rilbong panna tur kawngpui siam a rawt. He kawng thar hmang hian lirthei lian, night super bus te pawh tiamin,Umiam tuikhuah siamṭhat hna thawh a nih avangin kum khat chuang khawpui chhunga luh khap tawh chu hlih a tum.

Kawngpui thar siam tura rawt, kilometre 14.85-a thui hian tuikhuah hi a pumpelh vek dawn a, Shillong-Dawki kawngpui nen inzawmin, Rilbong aṭanga Barik thleng a kaltlang thei dawn a ni. National Highways & Infrastructure Development Corporation Ltd (NHIDCL) aṭanga phalna hmun hun nghah mek a ni.

Sorkar chuan kawngpui siam dan tur, Detailed Project Report (DPR) siam turin consultant team a din tawh a, he kawng thar siam tur hi pawm a nih hunah chuan Umiam leh Shillong inkara zin hun chhung leh hlat zawng a ti tawi dawn a, tuikhuaha khuahkhirhna awm mek avanga lirthei tlan tih khawtlai ṭhinte pawh a ti tawp thei dawn a ni.

Guwahati aṭanga Umiam thleng lirthei tlan hun chhung hi minute 90 vel a ni tlangpui a, mahse Umiam leh Shillong inkar, km 14-15 vela thuiah hi traffic tawt avangin darkar khat aṭanga darkar hnih vel an thang ṭhin.