Hmarchhak bial CM-ten 'Operation Sindoor' an thlawp

Hmarchhak bial chief minister-te chuan May 7-a India sipaite'n Pakistan leh Pakistan-in a awp Kashmir (PoK)-a firfiak camp-a beihpui thlakna, 'Operation Sindoor' chu an thlawp a, April 22-a Pahalgam-a firfiakte pawikhawihna chhan letna chak tak a nih thu an sawi.

Assam chief minister Himanta Biswa Sarma chuan X-ah thuchhuah siamin, he beihpui thlakna hi a fak hle a, Meghalaya chief minister Conrad K. Sangma pawhin, India in pawkhawihna do letna a nih thu sawiin, firfiakte tan hmun a awm lo tiin a puang bawk.

Sikkim chief minister Prem Singh Tamang chuan he mission hi India-in "inlungrualna nghet tak a neih" lantirna a nih thu sawiin, sipaite chuan dikna chanvo an thlen a, India rama nute zahawmna an vawn tlat avangin a fak hle. "An huaisenna hian kan thuneihna a humhim a ni," a ti.

Manipur CM hlui N Biren Singh pawhin Pahalgam-a firfiakte pawikhawihna hliam chu a la nat reng thu sawiin, mahse dikna chuan ro a rel dawn a ni, tiin a sawi bawk.