Meghalaya : CM-in infrastructure tih changtlun hna thawh enfiah

Meghalaya chief minister Conrad K. Sangma chuan, Wahumkhrah Riverfront Development Project hnuaia infrastructure tih changtlung hna thawh mekte a enfiah. He project hi environment humhalh, khawpui chei mawi, leh National Games lo awm tur atana inbuatsaihnaa hmalakna pawimawh tak a nih thu CM chuan a tarlang.

State sorkar scheme sum hmanga siam, he project lian tak hian lui kama hmunte chu siam danglam a, Wahumkhrah lui hriselna siamṭhat tum a ni bawk. "He project hi a pawimawh hle a, khaw pumpui mawina atan pawh a ṭangkai hle a ni," tiin Chief Minister chuan a sawi.

Project thawh khatnaah hian infrastructure siam leh lui tihfai hna kalpui niin, sorkar chuan a rang thei ang bera zawh theih a tum. A thawh hnihnaah chuan helai bial chhungah hian sumdawnna leh mipui tana mamawh hmanraw dah belh a ni dawn a; dawr, ei tur dawr, lirthei dahna hmun, leh hostel thlenga dah tum a ni.

He hmalaknain a tumte tarlangin, CM Sangma chuan mipuite chu Wahumkhrah lui thianghlimna humhalh kawngah taima taka tel turin a chah. "Kan thil tum ti hlawhtling turin kan thawk ho dawn a ni," tiin, sorkarin environment humhalhna kawnga hma a laknaa thlawp zel turin mipuite a sawm.