Manipur: Congress-in Operation Sindoor thlawpna atan Tiranga Yatra buatsaih

Manipur Pradesh Congress Committee (MPCC) chuan Operation Sindoor kalpuitu, Indian Armed Force zahna leh an thlawpna lantirna atan nimin khan Imphal-ah Tiranga Yatra an buatsaih.

Km 4 vela thui kawngzawh hi Congress Bhavan-ah ṭan niin, chief Minister hlui Okram Ibobi Singh, AICC member Gaikhangam, MPCC President Keisham Meghachandra, leh MP hlui Thokchom Meinya ten an kaihruai a ni. Kawngzawhnaah hian party worker leh mipuite pawh telin, inpumkhatna lantir nan India flag te an keng a ni.

CM hlui Okram Ibobi Singh chuan Tiranga Yatra chu All India Congress Committee (AICC) thupek hnuaia neih a nih thu sawiin, India sipaite thlawpna nemnghehna atan neih a nih thu a sawi. Congress party chuan firfiakte chu nasa takin an dem thu leh, firfiak beihletna kawnga sorkar thutlukna siamte chu lungrual taka an pawm thu a sawi.

Firfiakte dona kawnga party dinhmun nghet tak sawiin, hetiang hun khirh takah hian hnam inpumkhatna a pawimawh thu Ibobi Singh chuan a sawi bawk. Kawngzawhnaah hian ram hmangaihna thuchah an puang chhuak bawk.