Sikkim: Minister leh Governor-in "Operation Sindoor" sawi dun

Sikkim minister for public health engineering, water resources, and ecclesiastical Department, Sonam Lama chuan May 9, Zirtawpni khan Raj Bhavan-a Sikkim governor, Om Prakash Mathur hmuin, tun hnaia Indian Armed Forces ten "Operation Sindoor" hlawhtling taka an kalpui chungchang bakah, kum 1973-a Tripartite Agreement ziah pawimawhnate an sawi dun.

Minister Lama chuan Mathur hnenah tun hnaia India defence force-te'n operation an neih, "Operation Sindoor" hlawhtlinna ropui tak avangin lawmthu a sawi. He beihpui thlakna hi ram pum huapin chhuanawm tak a ni tiin a fak hle. Lama chuan sipaite inpekna leh thawhrimna avanga a lawm thu a sawi bawk.

Govenor Mathur pawhin beihpui thlak hlawhtlinnaah lawmthu sawiin, Sikkim mipuiten thlawpna leh ram hmangaihna an lantir chhunzawm zel chu lawmawm a tih thu a sawi a, sorkar leh sipaite thawh hona hian ram leh hnam hmangaihna a ti chak a ni, a ti.

Lama chuan May 8, 1973-a ziah Tripartite Agreement pawimawhzia sawiin, state chanchina thil thleng pawimawh tak a ni tih a sawi.