Nagaland Potato Festival vawi 2-na hmang

Nagaland Potato Festival vawi hnihna chu kar liam tak Zirtawpni khan Kohima district-a Jakhama local ground-ah neih a ni a, thupui atan 'Celebrating the Organic Products of Nagaland' tih hman a ni.

Potato Festival hi state chhunga alu thar chin chawi larna atan te, local entrepreneur-te tana inphochhuahna siamsak leh, thingtlang lam mite tana eizawnna kawng siamsakna tura ruahman a ni. Festival-ah hian stall 100 chuang siam a ni a, thlai thar chhuahte bakah lo neih dan ṭha leh hlawk zawk chu Nagaland Agriculture Department in an lantir bawk.

Tourism and higher education minister, Temjan Imna Along chu khuallian niin, Nagaland thlai thar chhuah chawilar a nih theihna kawnga pawimawh, loneitute leh stakeholder te inpeknaah lawmthu a sawi. Agriculture leh grassroot entrepreneurship chu Nagaland economy hmasawnna leh ngelnghehna atana a laimu an nih thu a sawi.