Meghalaya-ah Covid-19 kai paruk hmuh belh

Meghalaya-a Covid-19 kai hmuh hmasak ber, Shillong-a Bethany Hospital senior doctor chu nimin zing khan a thi a, a chhungte leh an ina hnathawk mi parukte pawh he hri hi an kai tih hriat a ni tawh. Chief minister Conrad Sangma chuan Covid-19 kaiin a contact, primary leh secondary contact-te zawnchhuah hna thawk mek a ni tih sawiin, sample 185 lakkhawm a ni tawh a, heng zinga 68 chu test a nih hnuah an zinga paruk chu a positive tih a sawi. Sample paruk chu ennawn leh a ni tih a sawi bawk.

Manipur-ah lockdown palzut mi 662 man tawh Manipur police-te chuan lockdown hman mek palzuta pawn chhuak lui mi 662 an man tawh. March 24 khan Manipurah Covid-19 kai hmuh a nih avangi n state pumah curfew puan nghal a ni a, a tukah rampum huap lockdown hman zui a ni nghal bawk. Inkharkhipna hman chhunga dan bawhchhiaa pawnchhuak lui mante hi courtah hruai niin, an vaia sum chawi tir hi Rs 50,550 a tling a ni.