Manipur-ah project hrang hrang hawng

Union home minister, Assam leh Manipur tlawha zin, Amit Shah chuan nimin khan Manipur-ah developmental project pasarih a hawng.

Inrinni liam ta khan Assam-ah project eng emaw zat a lo hawng tawh bawk. Nimin chawhnu lam khan Shah hian Assam aṭangin 

Manipur a pan a a ni. Shah chuan Manipur-a BJP in thuneihna a chan  hnuah, lungawi loh vanga kawngpui dante a awm tawh ngai lo nia sawiin, chief minister N Biren Singh kaihhruai sorkar chuan Manipur tan nihna thar a pe a ni, a ti. 

Imphal-a Hapta Kangjeibung ground-a thu a sawiah, Shah chuan inner line permit (ILP) chungchang a sawi lang chhuak bawk. Prime minister Narendra Modi chuan Manipur leilung fa dik takte venhimna turin Manipur tan ILP system hman phalna chu a pe a ni, a ti.

Amit Shah-a'n project pasarih a hawn zingah hian Thoubal-a multipurpose project Rs vbc 2,000 hu, Rs vbc 128 senga IIIT siam tur, IT SEZ Rs vbc 950 man tur, Rs vbc 237.49 senga State Guest House siamna tur leh, Rs vbc 325 senga Churachandpur Medical College sakna 

turte a tel.