MPCC-in kum thum chhung atan an MLA hrem

Meghalaya Pradesh Congress Committee (MPCC) chuan Mawrsynram MLA Pynshngainlang N Syiem chu an party kalh zawnga a chet avangin kum thum chhung atan a hrem.

Syiem hremna hi kar kalta Zirtawpni khan tihchhuah a ni a, hetih lai hian MPCC chuan Members of District Council (MDCs) member panga zinga mi pahnih Antonio War leh Banteidor Lyngdoh-te ban dilna pawh pawm a nih thu a tarlang. MDC member pathum - Albinus Lyngdoh, Hadrian Lyngdoh leh Victor Ranee-te ban dilna erawh ngaihtuah leh tura tih a ni. Vawiin aṭang hian Khasi Hills Autonomous District Council (KHADC) thlaksik ṭhutkhawm ṭan a ni dawn a, hetah hian Congress chuan Syiem chu Chief Executive Member (CEM) a nihna a hlihsak rin a ni.