Food Testing Laboratories thuamṭhat nan vbch 490 ruahman

Food Safety and Standards Authority of India (FSSAI) Chief executive officer Pawan Kumar Agarwal chuan, ram chhunga food testing laboratories (FTL) 114 zinga 45 chu thuam ṭhat a, tihchangtlun a nih tur thu a sawi a, hmarchhak state Arunachal Pradesh, Manipur, Mizoram leh Sikkim-ah te FLT din a nih tur thu a sawi.

Sorkar laipui chuan FTL tihchangtlun nan hian cheng vaibelchhe 490 a ruahman a, kum thum chhunga thawh zawh hman tura ruahman a ni, Kumar Agarwal chuan a ti. Ram chhunga FTL te hi Food Safety and Standards Act, 2006 hnuaiah kalpui mek an ni. Minister chuan a tlem berah FTL pathum tal hawn belh a ni dawn tih sawiin, mobile foot testing labs (MFL) 62 din tura ruahmanna kalpui mek a ni, a ti. MFL chu India rama state leh Union Territory zawng zawngah pakhat tal dah vek tur hmalak a ni a, hmarchhak state chu ngaih pawimawh hmasak an ni ang, a ti bawk.