Assam-ah Civil Hospital staff pali suspend

Assam sorkar chuan naupang kum 12 mi, Abu Sufian Mazumder thi thuah SK Roy Civil Hospital-a staff pali te chu Thawhṭannni khan a suspend.

Abu Sufian Mazumder hi SK Roy Civil Hospital-ah hian dahluh a ni a, kawṭhuahna hlo pek a nih hnuah a thi a ni. Damlo chhungte chuan kawṭhuahna hlo Mazumder-a an pek hi a expire tawh tih an hre chhuak a, thuneitute hnenah an thlen a ni. Hailakandi Deputy Commissioner Moloy Bora chuan he thil thleng avang hian Hospital Administrator Bhaskar Das leh nursing staff - Shanta Sharma Roy, pharmacist Fakaruddin Laskar leh store-in-charge Kamala Purkayastha-te chu suspend nghal an nih thu a sawi. Hemi chungchangah hian Health & Family Welfare Department chuan Hospital Superintendent Subendhu Chakraborty chu a duty hlen loah puh a ni. He thil thleng hi chhui chian tura tih a ni.