Sports Varsity dinna tur dalah Manipur state sorkar puh

Manipur unit of Bharatiya Janata Party (BJP) chuan Congress kaihhruai Manipur sorkar chu Thoubal district, Yaithibi Loukol-a National Sports University din tura hmalak mek dodalah an puh.

BJP Manipur unit chuan, sports varsity dinna tur hian sorkar laipui aṭangin phalna pek an nih tawh thu sawiin, tun thlenga din a la nih loh chhanah state sorkar an puh. State BJP election management committee convenor Thounaojam Chaoba Singh chuan Congress kaihhruai sorkar chuan sports varsity dinna tur chu politics khelh nana hmangah puhin, hma la
ṭha tawk lo niin a sawi. State sorkar chuan sports varsity din nan hian Yaithibi Loukol-ah ram acre 336 a zau a ruahman a, mahse ram buai chung chang chhuanlamin, tun thlengin hna thawh ṭan a la ni lo a ni, a ti.

Sorkar laipui chuan Manipur-ah National Sports University din turin hma a la mek a, harsatna hrang hrang a awm vangin tun thlengin hna ṭan a ni lo. State sorkar chu BJP hmalakna do dalah puh a lo ni fo tawh a, hetih lai hian sorkar chuan a hmun tur chungchangah harsatna a awm niin a sawi ve thung. Hmarchhak bialah hian tun thlengin National Sports University din a la ni lo.