Dr. Kalam pualin Centre for Policy Research hawng dawn

Indian Institute of Management (IIM) Shillong, Ministry of DoNER leh North Eastern Council-te chuan, India President hlui APJ Abdul Kalam hriatrengna pualin IIM, Shillong-ah Dr APJ Abdul Kalam Centre for Policy Research and Analysis din turin inremna an ziak. 

Dr APJ Abdul Kalam Centre for Policy Research and Analysis din a nih theih nan hian Union Ministry of Human Resource Development (MHRD)-ah rawtna thlen a ni a, minitry chuan a pawmpui a ni. Meghalaya Chief Minister Mukul Sangma, Governor V Shanmuganathan, DoNER Secretary Naveen Verma, leh North Eastern Council Secre-tary Ram Muivah-te chuan inremna hi kar kalta Inrinni khan an ziak a ni. Hei hi Kalam-a piancham lawmna puala rua-hman a nih thu tarlan a ni. 

Chief Minister Sangma chuan inremna ziah a ni ta chu lawmawm a tih thu sawiin, Meghalaya state tan chauh ni lo, hmarchhak tana thil pawimawh tak a ni, a ti. Governor Shanmuganathan pawhin, hmarchhak chuan kawng hrang hrangin hma a sawn tih sawiin, Dr APJ Abdul Kalam Centre for Policy Research and Analysis din tur chuan hmasawnna tam tak a thlen ngei a beisei tih a sawi. October 15, 2015 khan Dr Kalam hi  IIM, Shillong-ah thusawi tura sawm a ni a, a thusawi laia a tluk hnuah a boral zui a ni.