Sonowal leh Zeliang-te'n thawhdun remti

Assam Chief Minister Sarbananda Sonowal leh Nagaland Chief minister TR Zeliang-te chuan Thawhṭannni khan Kaziranga-ah meeting an nei a, state pahnihte thawhdunnna tur hrang hrang an sawi dun.

Meeting-ah hian Assam-Nagaland border chungchang sawilan a ni a, state pahnih chief minister-te chuan boruak ralmuang leh munawm a awm theih nana thawhdun an remti. State pahnihte hi ramri chungchanga buaina an lo nei fo tawh a, ramri depa chengte inkarah buaina a chhuak fo a ni. Sonowal chuan state pahniha border district a mite inkarah inṭhianṭhatna a awm theih nan sports leh cultural event buatsaih a nih tur thu sawiin, chu chuan rah duhawm a chhuah beisei a ni, a ti. Sonowal chuan Kaziranga National Parka-a samak peltute do kawnga an hmalakna TR Zeliang-a'n a thlawp chu lawmawm a tih thu a sawi bawk. State pahnih chief minister-te chuan hel do let kawngah thawhdun an remti a, hmalak dan tur hrang hrangte an sawi dun a ni.

Meeting-ah hian minister eng emaw zat an tel bakah, Parliamentary Secretary, Chief Secretary leh state pahniha sorkar mi pawimawh eng emaw zat an tel a ni.