Assam : Guwahati-ah five-star hotel thar 11 siam tum

Assam chief minister Himanta Biswa Sarma chuan Guwahati chu khawvel pum huapa hospitality hub-ah a lang thuai dawn tih puangin, tunah hian mamawh sang zel phuhruk nan five-star hotel 11 sak mek a nih thu a sawi. Guwahati Aerocity project atan Taj hotel pahnih siam tum a nih thu a sawi bakah, National Highway-ah Lemon Tree Hotel sak mek a nih thu a sawi bawk.

LGBI Airport bula Marriott Resort leh Spa siam mek chuan ram bigha 76 a huam dawn a, helai biala lian ber zinga mi a nih tur thu sawiin Radisson Blu Hotel awmsa tih zauh a nih thu leh, room 100 dah belh a nih tur thu CM Sarma chuan a sawi.

Khanapara-ah tuna Vivanta hman mek aiah Taj Hotel thar siam a ni dawn a, Marriott hotel pali dang pawh Guwahati tan ruahman a ni bawk. Social media-a thuchhuah a siamah, CM Sarma chuan heng project man to tak takte tan hian Memorandum of Understanding (MoU), Rs vbc 500 hu chu February thlaa Advantage Assam Infrastructure and Investment Summit neih ṭum khan ziah a nih thu a sawi. Inremna siam a nih aṭanga thla thum hnuah sak ṭan a ni.