7th Pay Commission hman theih a ni lo : Saha

Tripura Finance Minister Bhanulal Saha chuan 7th Central Pay Commission (CPC) hmang turin state sorkarin sum leh paiah harsatna a tawh thu sawiin, tun dinhmunah hman theih a nih loh thu a sawi .

7th CPC hmang turin Tripura chuan cheng vai-belchhe 2,500 a ma-mawh a ni. Sorkar lai-puiin centrally-spon-sored schemes (CSS) a kalpui danah, state sorkar leh sorkar laipuiin sum aninchawi sem dan tih danglam a nih vangin harsatna an tawk tih Finance Minister Bhanulal Saha chuan a sawi a, hemi avang hian Tripura sorkar chuan 2015-16 chhungin cheng vaibelchhe 1,356 a hloh tih a sawi. Saha chuan sorkar laipui scheme aṭanga sum an hmuh chu, cheng vaibelchhe 314.72 zetin tih hniam a ni, a ti. State sorkar hnuaia hnathawk mi 2,09,000 hnena dearness allowance (DA) 42% pe tura Tripura High Court-in thupek a chhuah chungchangah, Tripura sorkar chu Supreme Court-ah a zualko dawn tih Finance Minister Bhanulal Saha chuan a sawi bawk.

Hmarchhak state zingah Tripura leh Mizoram-te chu 7th Pay Commission hmang tura sum leh paia harsatna tawkah tarlan an ni.