Manipur-ah RIMS nurse-te'n lungawi lohna lantir

Regional Institute of Medical Sciences (RIMS), Manipur-a nurse te chuan nursing counsellor atana Laimayum Kullabati Devi ruat a nih danah thil dik lo a awm nia sawiin, lungawilohna lantir nan chawlh an la mek.

Laimayum Kulla-bati Devi hi RIMS-a Department of Physi-cal Medicine and Reha-bilitation-ah nursing counsellor atan a ruat a, hei ni nurse-te chuan an duh lo tih an sawi. RIMS Nurses Association chuan a hma pawhin Devi chu an duh loh thu an lo sawi tawh a, ruat a nih danah RIMS guideline zawm a ni lo niin an sawi bawk. Thuneitu lamin hma an lak mai loh avangin nawrh an huaihawt ta tih an sawi.

L. Kullabati Devi hi New Delhi-a Kalawati Saran Children’s Hos-pital-ah Deputy Nursing Superintendent ni lai a ni a, tun hnai khan Department of Physical Medicine and Rehabilitation-ah hian nursing counsellor atan ruat a ni. Hetih lai hian Physical Medicine and Rehabilitation Head of the department, Professor A K Joy chuan Devi chu Union Ministry of Health and Family Welfare hriatpuinaa ruat a nih thu a sawi ve thung.