Arunachal Congress-te EC-ah an zualko

Arunachal Pardesh Congress unit chuan Thawhlehni khan Election Commission (EC) hnenah Memorundum an thehlut a, People’s Party of Aruna-chal (PPA)-in Cong-ress state unit nena thawkdun anga an sawi chu thudik lo leh belchian dawl lo a nih thu an thlen.

Arunachal Pradesh Chief Minister hlui Nabam Tuki chuan PPA leh Congress party-te thawkho anga sawi chu thudik lo a ni tih sawiin, Arunachal Pradesh Congress Committee chuan PPA thawhpui turin hma a la lo tih a sawi. Party pahnihte thawk dun anga sawi hian 'Para 16 of the Election Symbols (Reservation and Allotment) Order, 1968' a bawhchhia nia sawiin, PPA chetdan chu dankalh a ni, a ti. Hetih lai hian September 16 khan party pahnih te hian joint meeting an neih thu tarlan a ni a, Congress leh PPA te chuan thawhdun an remti nia tarlan a ni ve thung.

AP-ah hian Congress MLA 43-te chuan Congress chhuahsanin, People’s Party of Arunachal (PPA) an zawm a, Congress sorkar paithlak a ni zui. Tun dinhmunah PPA leh BJP te chu Arunachal-ah an thawk dun a, BJP MLA pakhat chu tun hnai khan minister atan lakluh a ni.