Meghalaya: Wahumkhrah lui bawlhhlawh thenfaina tur hmalakna thar puang

Meghalaya chief minister Conrad K Sangma chuan sorkar official-te leh civil society aiawhte nen high-level meeting neiin, Wahumkhrah lui tih bawlhhlawh thenfaina tur action plan thar kimchang a puang. Shillong ecosystem tana pawimawh, Wahumkhrah lui hi khawpui lian zel avangin a bawlhhlawh chak hle a ni.

Ruahmanna tharah hian lui kama hmalakna neih dan tarlangin, dan loa bawlhhlawh paih leh dan dik loa hnawmhnawk siam chungchangah enkawlna ṭha zawk kalpui a ni ang.

CM Sangma chuan a official social media-ah, "Lui tih fai hna thawh mek a ni a, danglamna awm tur chuan khawtlang mipuite an pawimawh hle a ni," tiin a sawi. Sorkar chuan lui dinhmun chhe zel tur chinfelna atan bioremediation technique a hmang dawn a ni.

Sangma chuan an hmalakna turah traditional village council, Dorbar Shnong leh tualchhung mite nena thawh hona ṭha neih a pawimawh thu a sawi. Thawk leh khata chinfel mai theih a ni lo tih sawiin, a hlawhtlinna hmu tur chuan tei rei peih a ngai dawn a ni, a ti