High Court puitlin turin Rs vbc 300 chuang mamawh belh : Nagaland CM

Nagaland chief minister Neihphiu Rio chuan state sorkarin Kohima bul, Meriema-a High Court complex thar sakna atan Rs vbc 200 a seng tawh a, he hmun peihfel tur chuan Rs vbc 300 dang a la mamawh belh dawn a ni, a ti.

Chief Minister chuan Inrinni liam taa High Court Bar Association (HCBA), Kohima in tree plantation programme a buatsaihah he thu hi sawiin, High Court complex sak mek chu sorkar lam aṭanga puihna sum dawng ṭah lo mah se state sorkar chuan a rang thei anga peihfel a tum a ni, tiin a sawi.

Rio chaun hmarchhak state dang - Assam, Meghalaya, Tripura leh Manipur-a High Court building sakna chu sorkar laipuiin a tumsak vek a ni tiin, hetih lai hian Nagaland chuan he project atan hian sorkar laipui aṭanga puihna engmah a dawn loh thu a sawi. Ministry of Home Affairs hnenah pawh Nagaland-in High Court hran a neih thiehan tura dan siamṭhat chungchang Parliament-ah pu lut tura a ngen thu a sawi bawk.